பிரபல நடிகருக்கு எதிராக பொங்கியெழுந்த மாதர் சங்கம் – நடந்தது என்ன..!

தனியார் தொலைக்காட்சி நடத்தும் மணப்பெண் தேடும் நிகழ்ச்சிக்கு எதிர்ப்பு தெரிவித்து நடிகர் ஆர்யா தங்கி இருந்த விடுதியை மாதர் சங்கத்தினர் முற்றுகையிட்டு போராட்டம் நடத்தியுள்ளனர்.

நடிகர் ஆர்யா சினிமாவில் நடிப்பதை தாண்டி தற்போது சின்னத்திரைக்கும் வந்துவிட்டார். “எங்க விட்டு மாப்பிளை “என்ற பெயரில் கலர்ஸ் தொலைக்காட்சியில் ஒரு நிகழ்ச்சி ஒளிபரப்பாகி வருகிறது . இதில் ஆர்யாவுக்கு பொண்ணு பார்க்கும் படலத்தை ஒரு ஷோவாக நடத்துகின்றனர்.

இதில் 16 பெண்கள் பங்கேற்று உள்ளனர். இவர்களில் ஒருவரை ஆர்யா தனது மணப்பெண்ணாக தேர்வு செய்ய இருப்பதாகவும் கூறப்படுகிறது.
இந்த ஷோ கிட்டத்தட்ட 2வாரங்களை கடந்துவிட்டது,
இந்தநிலையில் திருவாரூர் மாவட்டம் குடவாசலில் நடைபெறும் படப்பிடிப்பில் கலந்து கொள்வதற்காக நேற்று நடிகர் ஆர்யா ஒரு தனியார் விடுதியில் தங்கியிருந்தார்.

இதனைத் தொடர்ந்து கும்பகோணம் துர்கா மாதர் சங்கத்தை சேர்ந்த பெண்கள் அந்த விடுதியை முற்றுகையிட்டு போராட்டத்தில் ஈடுபட்டுள்ளனர்.

அவர்கள், நடிகர் ஆர்யா பங்கேற்கும் இந்த நிகழ்ச்சி பெண்களை இழிவுபடுத்தும் வகையிலும், தமிழக கலாசாரத்தை சீரழிப்பதாகவும் இருப்பதால் அந்த நிகழ்ச்சியை ரத்து செய்ய வேண்டும் என்று வலியுறுத்தியுள்ளனர்
போராட்டத்தில் ஈடுபட்ட பெண்களிடம் காவல்துறையினர் பேச்சுவார்த்தை நடத்தியதையடுத்து பெண்கள் அங்கிருந்து கலைந்து சென்றதையடுத்து ஆர்யா, படப்பிடிப்பில் பங்கேற்பதற்காக காவல்துறையினரின் பாதுகாப்புடன் சென்றதாக தெரிவிக்கப்பட்டுள்ளது

இச்செய்தியை பகிர்ந்துகொள்ள

Related posts